Байден дар як шаҳру Трамп дар шаҳри дигар пирӯз шуданд
Аммо пирӯзиро коллеҷи интихоботӣ муайян мекунад
Дар интихоботи президентии ИМА тақрибан 100 миллион нафар овоз доданд. Бино ба гузориши CNN дар шаҳри хурди Амрико Диксвилл Нотч (Ню-Ҳемпшир) натиҷаҳои раъйдиҳӣ дар интихоботи президентии ИМА ҷамъбаст карда шуданд.
Номзади демократҳо, собиқ ноиби президенти ИМА Ҷо Байден ҳамаи панҷ раъйро ба даст овард. Диксвилл Нотч яке аз аввалин шаҳрҳои Иёлоти Муттаҳида гардид, ки натиҷаҳои раъйдиҳиро ҷамъбаст кард. Қитъаи овоздиҳӣ дар ин шаҳр пас аз нисфи шаб кушода шуд. Ҳар касе, ки ҳаққи раъй дошт, дар тӯли якчанд дақиқа раъй дод.
Дар шаҳри ҳамсоя Миллсфилд, ки дар он нуқтаҳои раъй низ дар нимашаб кушода шуданд, номзади ҷумҳурихоҳон, президенти барҳоли ИМА Доналд Трамп пирӯз шуд. 16 интихобкунанда ба ӯ, панҷ нафар ба Байден овоз доданд.
Тавре ки CNN мегӯяд, Диксвилл Нотч ҳамеша диққати рӯзноманигоронро ҷалб мекунад, аммо натиҷаҳои интихобот дар шаҳр одатан имкон намедиҳанд, ки президенти ояндаи ИМА муайян шавад. Тавре соли 2016 Ҳиллари Клинтон дар ин шаҳр пирӯз шуд, аммо коллеҷи интихоботӣ пирӯзиро ба Трамп дод.
Дар матлаби Лоиҳаи интихоботи Иёлоти Муттаҳидаи Донишгоҳи Флорида гуфта мешавад, ки дар интихоботи президентӣ аллакай зиёда аз 99 миллион интихобкунандаҳо, шахсан ё тавассути почта овоз доданд. Ин тақрибан 40%-и шумораи умумии интихобкунандагонро ташкил медиҳад.
