расонаи иттилии - Ориён » Асосӣ » Вазирони корҳои хориҷии 14 давлат дар Душанбе гирдиҳам меоянд

Асосӣ / Сиёсат

Вазирони корҳои хориҷии 14 давлат дар Душанбе гирдиҳам меоянд

Дар пойтахти Тоҷикистон конфронси вазирони корҳои хориҷии “Қалби Осиё-Раванди Истанбул” доир мегардад.

Сурат: Оrangesmile.com
Бо пешниҳоди Тоҷикистон, ки ҳамраисии “Қалби Осиё-Раванди Истанбул”- ро дар соли 2020 ба уҳда дорад, 25 августи соли равон нишасти маҷозӣ (виртуалӣ)-и кормандони воломақоми раванди мазкур баргузор гардид.
Бино ба иттилои Вазорати корҳои хориҷии ҶТ, нишаст бо суханони ифтитоҳии муовини якуми вазири корҳои хориҷии Тоҷикистон Хусрав Нозирӣ ва муовини вазири корҳои хориҷии Афғонистон Мирвайс Ноб оғоз шуд.
“Дар ҷаласа намояндагони кишварҳои узв, кумакрасон, созмонҳои байналмилалию минтақавӣ ва ниҳодҳои молиявии байналмилалӣ иштирок ва суханронӣ карданд”, - омадааст дар хабари Вазорат.
Гуфта мешавад, дар кори ҷаласа масъалаҳои омодагӣ ба баргузории Конфронси 9-уми вазирони корҳои хориҷии “Қалби Осиё-Раванди Истанбул”, ки қарор аст то охири соли ҷорӣ дар Душанбе доир гардад, баррасӣ шуданд.

Инчунин атрофи вазъи амниятии минтақа ва Афғонистон, ҳамкориҳои кишварҳои узв дар раванди сулҳу субот дар он кишвар, амалисозии лоиҳаҳои минтақавӣ бо дастгирии созмонҳои байналмилалию минтақавӣ ва ниҳодҳои молиявии байналмилалӣ ва кишварҳои ёрирасон табодули назар сурат гирифт.
Ҳадаф аз фаъолияти“Қалби Осиё-Раванди Истанбул”, ки соли 2011 бо ташаббуси Туркия “Конфронси Истанбул барои Афғонистон” роҳандозӣ шуд, таҳкими ҳамкории минтақавӣ оид ба масоили марбут ба Афғонистон унвон мешавад.
Дар чорабиниҳои “Қалби Осиё-Раванди Истанбул” ҳайатҳои Афғонистон, Озарбойҷон, Чин, Ҳиндустон, Эрон, Қазоқистон, Қирғизистон, Покистон, Русия, Арабистони Саудӣ, Тоҷикистон, Туркия, Туркманистон, Амороти Муттаҳидаи Араб ва намояндагони Созмони Милали Муттаҳид иштирок мекунанд.

Дигар хабарҳо

Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Написать свой комментарий:

Ахборотҳоро ба суроғаи электронии мо - tamos@orien.info ирсол намоед.

забонҳо

Маъмурияти сомона:

Тамоми маводи иттилоотии сомона дар асоси маълумоти манбаъҳои дар Тоҷикистон ва дигар нуқтаҳои ҷаҳон доштаи мо омода мегардад.