Ҳалокати генерал Шарифзода дар натиҷаи садамаи нақлиётӣ

Вазорати дифои Тоҷикистон тасдиқ кард, ки генерал-майор Зариф Шарифзода (Бобокалонов), мушовири раҳбари ин ниҳод ва сардори пешини Ситоди кулли артиши кишвар дар натиҷаи як садамаи нақлиётӣ дар Душанбе ҷон додааст.

 Фариддун Маҳмадалиев, сухангӯи Вазорати дифои Тоҷикистон гуфт, ҳодисаи мазкур шаби 18 январ дар маркази пойтахт, маҳаллаи маъруф ба "Медгородок" рух дод.

Ҳолати марги генерали тоҷик таҳқиқ шуда, бино ба фарзияҳои муқаддамотӣ, қалби Зариф Шарифзода пушти фармони мошин аз тапиш боз мондааст.

Шахсе, ки канори мушовири вазири дифои кишвар нишаста буд, ҷароҳати вазнин бардошта, дар бемористон қарор дорад.

Дар бораи ронандаи "Опел", ки бо мошини генерал ба ҳам хурдааст, чизе гуфта намешавад. Генерал-майор Зариф Шарифзода (Бобокалонов) 46 сол дошт.

Вай моҳи январи соли 2014 сардори Ситоди кул ва муовини аввали вазири дифои Тоҷикистон таъйин шуда буд.

Вале як соли баъд аз ин мақомҳо барканор ва вазифаи мушовирии калони вазири дифои кишварро соҳиб шуд.

назари худро нависед
Қаҳрамонҳои Тоҷикистон