Панҷ медали биринҷии самбочиёни тоҷик дар Русия
Онҳо дар мусобиқаи Ҷоми ҷаҳони самбо дар ин кишвар ба дарёфти 5 медал шарафёб гардиданд.
Самбочиёни тоҷик, акс аз бойгонӣСурат: КМО ҶТ
Дар мусобиқаи Ҷоми ҷаҳони самбо дар Русия намояндагони Тоҷикистон ба гирифтани 5 медали биринҷӣ ноил гардиданд.
Бинобар иттилои Кумитаи милии олимпӣ, аз Тоҷикистон 11 варзишгар дар ин мусобиқа ширкат варзиданд, ки чор варзишгар ба дарёфти медали биринҷӣ шарафёб гардиданд.
Гуфта мешавад, Алимуҳаммад Алиев дар самбои варзишӣ ва самбои размӣ, дар вазни -57 кг ду медали биринҷӣ ба даст овард. Деваштич Убайдӣ дар самбои варзишӣ (-74 кг) ҷои сеюмро соҳиб шуд. Ду медали дигари биринҷиро Муҳиддин Муҳиддинов дар вазни -68 кг ва Осмонбек Қуқаниев дар вазни +100 кг дар рақобатҳо оид ба самбои размӣ сазовор гардиданд.
Ҳамзамон Беҳрӯз Неъматуллоев (52 кг), Ардашер Исмоилов (57 кг), Алимуҳаммад Алиев (57 кг), Сӯҳроб Исматов (68 кг), Деваштич Убайдӣ (74 кг), Аҳтам Ҳусейнов (+100 кг), Давлат Абдулзода (+100кг), Осмонбек Қуқаниев (+100 кг) оид ба самбои варзишӣ, Айём Хабиров (57 кг), Муҳиддин Муҳиддинов (68 кг), Рамазон Ҷумъаев (82 кг) ва Садр Боев (82 кг) ба рақобат дар самбои размӣ сафарбар гардида буданд.
Мусобиқаи мазкур рӯзҳои 18-19 декабр бо иштироки варзишгарони 15 давлат дар шаҳри Москваи Русия ба хотираи ёдбуди самбочии маъруф Харлампиев баргузор шуд.
