ДУШАНБЕ, 3 май — Sputnik. Рӯзноманигорон пурсиданд, дар протоколе, ки раиси Кумитаи давлатии амнияти миллии Қирғизистон Қамчибек Тошиев ва роҳбари Кумитаи давлатии амнияти миллии Тоҷикистон Саймумин Ятимов имзо кардаанд, кадом нуқтаҳо мавҷуданд?

"Протокол пойдор намудани сулҳро дар тамоми қитъаҳои марзи Ҷумҳурии Қирғизистон ва Ҷумҳурии Тоҷикистон муайян мекунад: хурӯҷи техникаи вазнин, хурӯҷи нерӯҳо, ба истиснои марзбонон. Дар он ҷо банде низ ҳаст, ки ҷонибҳо ӯҳдадор шуданд фавран нерӯҳояшро аз қаламрави давлати дигар хориҷ кунад", - посух дод Тошиев.

Ӯ афзуд, ки барои иҷрои ин нуқот комиссия таъсис дода мешавад ва кор аз рӯи ин протокол пеш аз муноқиша низ давом дошт, менависад Sputnik Қирғизистон.

Ёдрас мешавем, ки ҳайатҳои ҳукуматии Қирғизистон ва Тоҷикистон протокол дар бораи делимитатсия ва демаркатсияи сарҳадро ба имзо расониданд ва гуфтушунид то соати 03:00 -и шаби якум ба дуюми май идома кард.

Муноқиша дар марзи Тоҷикистону Қирғизистон шоми 28 апрел, дар нуқтаи тақсимоти оби "Головная", ки дар болооби дарёи Исфара ҷойгир аст, сар зад.

Мубориза байни сокинони маҳаллӣ ба як муноқишаи мусаллаҳона мубаддал гашт.

Пас аз чанд рӯзи муноқиша ва ноамнӣ дар марз, мақомоти ҳама сатҳҳо тавонистанд вазъро ба эътидол оранд.

Дар Қирғизистон рӯзҳои 1 ва 2 май мотами миллӣ эълон шудааст.

Сарҳади давлатӣ байни тоҷикону қирғизҳо давра ба давра ба минтақаи муноқиша байни аҳолии маҳаллӣ ё марзбонони ду кишвар мубаддал мегардад.

Сабаб - минтақаҳои аломатнагузошта мебошад.

Кишварҳо натавонистанд дар бораи сарнавишти беш аз 70 минтақаи баҳсӣ пас аз пошхӯрии ИҶШС ба мувофиқа расанд.