Дар Душанбе ярмаркаи «Hello Anor» баргузор шуд
Инчунин маҳсули эҷоди ҳунармандону косибон намоиш дода шуд.
Сурат: Asia-PlusДар боғи меҳмонхонаи Hotel Serena Dushanbe рӯзи 1 ноябр ярмаркаи «Hello Anor» баргузор шуд.
Дар он маҳсули эҷоди ҳунармандону косибон аз Тоҷикистон ба маърази тамошо гузошта шуданд. Аз ҷумла, маҳсулоти тамғаи «Buta», маркази ҳунармандиву косибии Creative Development of Tajikistan, галереяи ҳунари Фирӯза Неъматзода, тарроҳи либос Нафиса Имронова, заргар Дилмурод Шарипов ва дигар ҳунармандон пешниҳод шуд.
Мусиқии зинда, минтақаи ҷолиби намориши аксҳо, бозӣ ва машғулиятҳои ҳунарӣ аз ҷониби иштирокчиёни ярмарка табъи тамошобинонро болида гардонид.