Кордкашии наврасони 16 ва 17-сола дар Душанбе ва Ҳисор
Ҳар ду ҷабрдида бо ҷароҳатҳо дар бемористон бистарӣ шуданд.
Сурат: акси марбутаДар шаҳрҳои Душанбе ва Ҳисор кормандони мақомоти милитсия ҳодисаҳои муноқишаи наврасон бо истифода аз кордро ба қайд гирифтанд.
Бино ба иттилои маркази матбуоти ВКД Тоҷикистон, дар дохили дӯкони “Тез-Тайёр”, воқеъ дар маҳаллаи Зарафшон сокини ноболиғи 16-сола бо корд ба сокини 17-солаи Душанбе ҳамла кардааст.
“Ӯ 3-маротиба ба аъзои бадани ҷабрдида бо корд зарба зада, дар натиҷа ӯ бо ҷароҳати вазнини ҷисмонӣ дар беморхонаи “Ёрии таъҷилӣ” бистарӣ гардидааст”, - омадааст дар маълумоти ВКД.
Гуфта мешавад, дар шаҳри Ҳисор ҷавони 17-сола ҳангоми муноқишаа сокини 21-солаи маҳаллиро бо корд захмӣ кардааст, ки дар натиҷа ҷабрида дар бемористон бистарӣ шудааст.
Вазорати корҳои дохилии ҷумҳурӣ қайд мекунад, ки аз рӯи ин ҳодисаҳо тафтишот идома дорад.
