Ошкор шудани дуздӣ аз дохили мактаби варзишӣ
Ба ШВКД дар ноҳияи Ёвон аризаи марди 35-солаи сокини ноҳияи мазкур ворид гардидааст, ки шаби 10 ба 11-уми октябри соли 2020, тахминан соати 02:30-дақиқа, шахсони номаълум бо роҳи пинҳонӣ вориди мактаби варзишӣ, воқеъ дар кӯчаи Одинаеви ноҳияи Ёвон шуда, аз он ҷо 1-адад телевизори тамғаи “Старсат”, 1-адад компютер бо таҷҳизотҳояш, 1-адад базаи телевизор ва 1-адад принтери тамғаи “Канон”-ро дуздида, аз ҷойи ҳодиса ғайб задаанд. Зарари расонидашуда 9 ҳазору 300 сомониро ташкил медиҳад.Мактаби мазкур бо камераҳои мушоҳидавӣ муҷаҳҳаз гардонида шуда, ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия ду ҷавони 21 ва 25-солаи сокинони ноҳияи Ёвон ҳамчун гумонбар дар содир намудани ҷинояти дуздӣ дастгир карда шуданд.
Ин ҳодиса мавриди тафтиш қарор дорад.