расонаи иттилии - Ориён » . » Дин » Раёсати динии мусалмонони Русия издивоҷ бо занони ғайримусалмонро раво намедонад

. / Дин

Раёсати динии мусалмонони Русия издивоҷ бо занони ғайримусалмонро раво намедонад

Муаллифони изҳорот мегӯянд, зану шавҳар бояд арзишҳои умумии ҳаётӣ дошта бошанд.

Сурат: аз манбаъҳои кушода
Олимони Раёсати динии мусалмонони Русия хулосае содир намуданд, ки мувофиқи он, ба мардони мусалмон тавсия дода мешавад, ки ба занони намояндаи дигар динҳо издивоҷ накунанд, хабар медиҳад Интерфакс.
“Шӯрои уламои Раёсат қарор кард, ки никоҳҳо бо намояндагони маҳзабҳо, аз ҷумла шахсони мазҳаби Китобҳои муқаддас (насрониҳо, яҳудиҳо - ИФ) дар қаламрави Русия нораво буда, танҳо дар мавридҳои муайяни ҷудогона бо қарори муфтии маҳаллӣ имконпазир аст, ки ҳамаи ҳолатҳои ҳодисаи мушаххаси мазкурро баррасӣ ва ба инобат мегирад”, - гуфта мешавад дар хулосае, ки рӯзи сешанбе дар сомонаи ташкилот нашр шудааст.
Ба ақидаи олимони соҳаи дини Раёсат, танҳо зани ғайримусалмоне, ки масалан, Исоро на Худо, балки дар баробари Муҳамммад (с) фиристодаи Худо мешумораду мавҷудияти як Худои ягонаро эътироф мекунад ва ба риояи фармудаҳои Қуръони Муқаддас омодагӣ изҳор менамояд, бо марди мусалмон ақди никоҳ баста метавонад.
Муаллифони изҳорот қайд мекунанд, ки барои ду шахси ба ин ҳад наздик мисли зану шавҳар ҷиҳати мустаҳкам будани иттифоқашон мавҷудияти арзишҳои умумӣ муҳим аст.
“Ягонагӣ, монандии ҳамсарон дар назар ба масоили динӣ ва маънавият муҳимтарин шарти ҳаёти якҷояи хушбахтонаи онҳост”, - таъкид мешавад дар хабари интишоршуда.

Дигар хабарҳо

Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Написать свой комментарий:

Ахборотҳоро ба суроғаи электронии мо - tamos@orien.info ирсол намоед.

забонҳо

Маъмурияти сомона:

Тамоми маводи иттилоотии сомона дар асоси маълумоти манбаъҳои дар Тоҷикистон ва дигар нуқтаҳои ҷаҳон доштаи мо омода мегардад.