ДУ САДАМАИ МАРГОВАР ДАР ВОСЕЪ ВА ҶАЙҲУН ВА ҲАМСОЯАШРО БАРОИ ҚУБУРИ ОБ КОРД ЗАДАНИ МӮСАФЕДИ 71-СОЛА ДАР ВАРЗОБ

Ба ШВКД дар ноҳияи Варзоб бо ариза зани 40-солаи сокини ноҳияи мазкур муроҷиат намудааст, ки 6-уми августи соли 2023, ҳамдеҳааш марди 71-солаи сокини ҳамин ноҳия бо шавҳараш, марди 42-сола, ҳангоми таъмири қубурҳои обгузари деҳаашон ҷангу ҷанҷол карда, ӯро мавриди лату кӯб қарор дода, бо корд 2 маротиба ба қисмати қафаси сина ва пеши шикамаш задааст.

Дар натиҷа, ҷабрдида ҷароҳатҳои ҷисмонӣ бардошта, дар беморхона бистарӣ гардидааст.

Инчунин, ба ШВКД дар шаҳри Ваҳдат аризаи зани 53-солаи сокини шаҳри мазкур ворид гардидааст, ки 6-уми августи соли 2023, дар кӯчаи М.Турсунзодаи шаҳри мазкур шахси номаълум писараш, ҷавони 25-солаи сокини ҳамон ҷоро бо корд 2 маротиба ба баданаш зада, аз ҷойи ҳодиса ғайб задааст.

Дар натиҷа, ҷабрдида ҷароҳатҳои ҷисмонӣ бардошта, дар беморхона бистарӣ гардидааст.

Дар натиҷаи гузаронидани чорабиниҳои оперативӣ-ҷустуҷӯӣ аз ҷониби кормандони милитсия ҷавони 21-солаи сокини ҳамин шаҳр бо гумони авбошӣ дастгир карда шуд...