Ошкор гардидани ҷиноятҳои дуздӣ
Ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия ҷавони 21-солаи сокини ҷамоати деҳоти Н.Хусрави ноҳияи Қубодиён, бо гумони содир намудани ҷинояти дуздӣ дастгир карда шуд, ки ҷинояти мазкурро бо ҳамроҳии рафиқаш “Зайдулло” ном шахс сокини ноҳияи Кӯшониён содир намудааст. Барои дастгир намудани шахси мазкур чорабиниҳои оперативӣ-ҷустуҷӯӣ аз ҷониби кормандони милитсия идома дорад.
Инчунин, ба ШВКД дар шаҳри Кӯлоб бо ариза марди 40-солаи сокини ҷамоати деҳоти Зарбдори шаҳри мазкур муроҷиат намудааст, ки 14-уми феврали соли 2021, тахминан соати 01:30-дақиқа, шахсони номаълум бо роҳи пинҳонӣ вориди манзили истиқоматиаш шуда, аз оғилхонааш 2-сар чорвои майдаи шохдорро дуздида, аз ҷойи ҳодиса ғайб задаанд. Зарари расонидашуда 4 ҳазор сомониро ташкил медиҳад.
Ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия ҷавони 20-солаи сокини ҷамоати деҳоти Зарбдори ҳамин шаҳр, ки пеш бо моддаи 244 қисми 2 Кодекси ҷиноятии Ҷумҳурии Тоҷикистон суд шудааст, ҳамчун гумонбар дар содир намудани ҷинояти дуздӣ дастгир карда шуд.
Ҳамзамон номбурда шаби 23-юми марти соли 2021, бо роҳи пинҳонӣ вориди манзили истиқоматии зани 27-солаи сокини ҷамоати деҳоти Зарбдор шуда, аз он ҷо 1-адад қолин, 1-адад фен, таҷҳизот ва либосҳоро дуздида, аз ҷойи ҳодиса ғайб задааст. Зарари расонидашуда 5 ҳазор сомониро ташкил медиҳад.
Аз рӯи ин ҳодисаҳо тафтишот идома дорад.
