Бо роҳи зӯроварӣ тасарруф намудани маблағи пулӣ ва телефони мобилӣ
Ба ШВКД дар ноҳияи Ҷ.Балхӣ бо ариза ҷавони 22-солаи сокини ноҳияи Ҷайҳун муроҷиат намудааст, ки 25-уми январи соли 2021, тахминан соати 22:00, дар назди Маркази дилхушии “Ҳалевард”, воқеъ дар кӯчаи Ҷ.Румии ноҳияи Ҷ.Балхӣ 2-нафар шахсони номаълум ӯро бе ягон асос лату кӯб намуда, бо роҳи зӯроварӣ аз дохили ҷайбаш 700-сомонӣ ва 1-адад телефони мобилии тамғаи “Самсунг А-51”-ро тасарруф намуда, аз ҷойи ҳодиса ғайб задаанд. Зарари расонидашуда 3 ҳазору 200-сомониро ташкил медиҳад.Ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия ҷавони 20-солаи сокини ҷамоати шаҳраки Балхи ноҳияи мазкур бо гумони содир намудани ҷинояти ғоратгарӣ дастгир карда шуд.
Аз рӯи ин ҳодиса тафтишот идома дорад.