НАШРИ ВИДЕОҲОИ РАҲПАЙМОИИ МУХЛИСОНИ ФУТБОЛ ДАР ХОРУҒ ВА БОЗИИ ФУТБОЛЕ, КИ БО САНГПАРТОӢ ВА ҶАРОҲАТ БАРДОШТАНИ 21 НАФАР АНҶОМ ЁФТ (2 ВИДЕО)
Дар Интернет видеоҳои раҳпаймоии мухлисони футбол дар шаҳри Хоруғ ва худи бозии футболи байни дастаҳои маҳаллаҳои Гулекен ва Бархоруғ, ки шоми якшанбе бо муноқишаи оммавӣ анҷом ёфт, нашр шудаанд.Тавре ВКД Тоҷикистон хабар дод, шоми 19 сентябр, тахминан соати 20 байни мухлисони футбол аз маҳаллаҳои Гулакен ва Хоруғи боло (Бархоруғ) дар майдончаи варзишии мактаби №2 дар маҳаллаи Гулакени шаҳри Хоруғ муноқишаи гуруҳӣ рӯй дод. ВКД гуфт, дар ҷараёни муноқиша 21 нафар ҷароҳат бардошта, 20 шишаи тирезаи мактаби №2, 6 мошини шаҳрвандон, 7 шишаи хонаҳои сокинони Гулакен, 6 тиреза ва 4 курсии варзишгоҳ, 5 шишаи тирезаи бинои "Амонатбонк”-ро шикастаанд. Худи бозӣ бо ҳисоби 2:1 ба фоидаи дастаи маҳаллаи Гулекен анҷом ёфт. ВКД гуфт, ҷустуҷӯи гунаҳкорон идома дорад.
