Ёвон: 311 омӯзгор корро тарк кардаанд
Аз муассисаҳои таълимии ноҳияи Ёвони вилояти Хатлон 311 нафар омӯзгор тарки пеша карда, аз онҳо 241 нафар ба муҳоҷирати меҳнатӣ рафтаанд.Мушовири шӯъбаи маорифи ноҳияи Ёвон Зубайдуллоев Раҳматулло дар сӯҳбат ба «Фараж» гуфт, ки мутасифона аз ин шумора наздики 30 нафарашонро занон ташкил медиҳанд.
Ин шахси масъул омили тарк кардани пешаи омӯзгориро мушкилоти рӯзгор, камии музди меҳнат, гаронии нархи навои маҳсулоти хурокворӣ дар бозорҳо, набудани манзили зист ва дигар омилҳо арзёбӣ кард.
Вай гуфт, ки баъди рафтани омӯзгорон ба муҳоҷирати меҳнатӣ ҳоло дар мактабҳои ноҳия норасоии кадрӣ ба чашм мерасад.