ҒОРАТГАРӢ “БО МАСЛИҲАТИ ПЕШАКӢ” ДАР ҲАМАДОНӢ ВА БОЗДОШТИ 3 ДУЗД ДАР ДЕВАШТИЧ
ҒОРАТГАРӢ “БО МАСЛИҲАТИ ПЕШАКӢ” ДАР ҲАМАДОНӢ ВА БОЗДОШТИ 3 ДУЗД ДАР ДЕВАШТИЧ
Ба ШВКД дар ноҳияи Ҳамадонӣ аризаи ҷавони 24-солаи сокини ноҳияи мазкур ворид гардидааст, ки шаби 13-уми апрели соли 2024, тахминан соати 21:30 дар саҳни ҳавлии зани 48-солаи сокини ҳамин ноҳия, шахсони номаълум ошкоро аз дохили ҷайби ӯ ҳамёнашро, ки дар дохилаш 80 сомонӣ, 1-адад корти “Душанбе-сити” ва шиносномаи миллиаш буд, гирифтаанд. Аз ҷониби кормандони милитсия муайян карда шуд, ки ҷинояти мазкурро ҷавони 24-солаи сокини ноҳияи Ҳамадонӣ, ки пеш бо моддаи 237 Кодекси ҷиноятии ҶТ (авбошӣ) суд шудааст, бо маслиҳати пешакӣ бо соҳибхоназан, ки пеш бо моддаи 239 (даллагӣ ё нигоҳ доштани фоҳишахона) суд шудааст, содир намудаанд.
хххххххх
Ҷавони 20 ва мардони 28, 33-солаи сокинони ноҳияи Деваштич ва шаҳри Истаравшан шаби 1-уми апрели соли 2024, тахминан соати 01:00, аз хонаи истиқоматии марди 57-солаи сокини ноҳияи Деваштич 12 ҳазор сомонӣ ва ҷавоҳироти гуногуни тиллоиро дуздида, аз ҷойи ҳодиса ғайб задаанд.