Тоҷикистон ва Туркия ҳамкориро дар бахши ҷалби сармоя тақвият медиҳанд
Тоҷикистон ва Туркия ҳамкориро дар бахши иқтисод ва сармоягузорӣ тақвият мебахшанд. Дар робита ба ин дар шаҳри Душанбе мулоқоти Раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон Султон Раҳимзода бо Сафири Фавқулода ва Мухтори Ҷумҳурии Туркия дар Ҷумҳурии Тоҷикистон Амут Адҷар баргузор гардид.АМИТ «Ховар» бо истинод ба Кумитаи давлатии сармоягузорӣ ва идораи амволи давлатии Ҷумҳурии Тоҷикистон иттилоъ медиҳад, ки мусоҳибон вазъи ҳамкории Тоҷикистон ва Туркияро дар самти иқтисодӣ-сармоягузорӣ, аз ҷумла амалишавии созишномаҳои сармоягузорӣ бо ҷалби сармояи ширкатҳои туркӣ баррасӣ намуда, омодагиашонро барои тақвияти ҳамкории судманд изҳор доштанд.
