Кӯмакҳои суғуртавӣ барои оилаҳои камбизоат дар Тоҷикистон аз 1 январ зиёд мешавад R
Аз оғози соли оянда кӯмакҳои суғуртавӣ ба оилаҳо ва шаҳрвандони камбизоати Тоҷикистон 11,1% афзоиш ёфта, аз 612 сомонӣ (56 доллар) ба 680 сомонӣ (62 доллар) баробар мешавад.“Аз 1-уми январи соли 2024 ҳаҷми кӯмакпулиҳои суғуртавии иҷтимоӣ ба оилаҳои камбизоат ва шаҳрвандон дар давоми дувоздаҳ моҳ даҳ нишондиҳанда барои ҳисобҳо муайян карда мешавад”, - омадааст дар Тартиби таъин, маблағгузорӣ ва пардохти кӯмакпулиҳои иҷтимоӣ ба оилаҳои камбизоат ва шаҳрвандон.
Як нишондиҳанда барои ҳисобҳо ҳоло 68 сомонӣ ($6,2) аст.
Илова бар ин, ҳаҷми пардохтҳои иловагӣ барои ҳар як кӯдаки оилаи камбизоат меафзояд: аз нисфи нишондиҳандаи ҳисобӣ (34 сомонӣ) ба як нишондиҳанда (68 сомонӣ).
Гуфта мешавад, ки аз 1-уми июли соли ҷорӣ бори охир ҳаҷми кӯмакпулиҳои иҷтимоӣ бо назардошти теъдоди кӯдакони то 16-сола, ки ба ҳар яки онҳо пардохтҳои иловагӣ таъин шудааст, зиёд карда шуд. Қаблан ин кӯмак ба оилаҳои камбизоат ва шаҳрвандон ба андозаи ҳашт нишондиҳандаи ҳисобӣ (бо назардошти нишондиҳандаи 68 сомонӣ – 544 сомонӣ) дода шуда, барои кӯдакони то 16-сола маблағи иловагӣ пешбинӣ нашуда буд.
Тибқи Тартиб ҳар семоҳа ба оилаҳои камбизоат ва шаҳрвандон дар филиалҳои Амонатбонк кӯмаки суғуртавӣ (то 1-уми январи соли 2024 барои оилаҳо 153 сомонӣ ва ба ҳар як кӯдаки чунин оилаҳо 8,5 сомонӣ) дода мешавадДар он зикр мегардад, ки шаҳрвандони кишвар, ки худро камбизоат меҳисобанд ва бо сабабҳои объективӣ дар шароити вазнини зиндагӣ қарор доранд ва имкони мустақилона баромадан аз ин шароит, гирифтани кӯмакпулиҳои иҷтимоии суғуртавӣ надоранд, ба мақомоти ҳокимияти шаҳр ва деҳот, хоҷагии манзилию коммуналӣ ё ба кумитаи маҳаллаи ҷои истиқомат ариза пешниҳод мекунанд.
Маблағгузории кӯмакпулиҳои иҷтимоӣ аз ҳисоби буҷети ҷумҳуриявӣ тавассути Сарраёсати хазинадории марказии Вазорати молия дар асоси тақсимоти ҳар семоҳаи тасдиқшудаи маблағ амалӣ карда мешавад.
