расонаи иттилии - Ориён » Асосӣ » Зиндагии кӯдакони Ғазза зери мушакборон.

Асосӣ / Ҷаҳон

Зиндагии кӯдакони Ғазза зери мушакборон.



Садои ханда дар Ғазза ин рӯзҳо хеле кам шунида мешавад. Аммо дар як майдончаи бозии кӯдакона, дар шаҳри Хон-Юнус хурдсолон лаҳзае аз даҳшати ҷанг дур мешаванд. Ҳарчанд ин ҷо ҳам пурра бехатар нест.
Рагад Абу Ассии 11- сола мегӯяд, падари ӯро нерӯҳои исроилӣ аз ҳамин майдони бозӣ бурданд. “Ман аз ҷанг бисёр метарсам. Зеро нисфе аз дӯстони ман шаҳид шуданд,”—мегӯяд ӯ.
Бино ба иттилои Вазорати тандурустии Ғазза, дар пайи мушакборони Исроил, беш аз 5000 кӯдак кӯшта шудаанд. Дар маҷмӯъ дар ин ҷанг беш аз 13 ҳазор фаластинӣ фавтидаанд. Дар ҳамлаи ҲАМОС моҳи октябр, 1200 исроилӣ кушта шуда буд.
Артиши Исроил мегӯяд, гурӯҳи ҲАМОС биноҳои истиқоматӣ ва иншооти ғайринизомиро ба маркази фармондиҳӣ, нигаҳдории аслиҳа ва макони партоби мушак табдил додааст. ҲАМОС ин иддаои Исроилро рад кардааст.
Садҳо фаластиние, ки аз минтақаҳои шимоли Ғазза ба ҷануб кучонида шудаанд, дар мактабҳои СММ панаҳ бурдаанд ва шароити зарурӣ надоранд. Эҳтимол маҷбур шаванд, ки аз ин ҷо ҳам кӯч банданд.
Исроил ҳоло ба Хон-Юнус ҳам ҳамла кардааст ва онҷо низ ҷои амн нест.
Ун Рамазон Айяд, модари фаластинӣ мегӯяд, дар пайи зарбаҳои беисти ҳавоӣ, фарзандони ӯ осеби ҷиддӣ дидаанд.
“Агар бубинанд, ки кабутаре парвоз дорад, фикр мекунанд ин мушак аст. Вақте кӯдакон аз хоб мехезанд аз ман мепурсанд, ки кай ин ҳамлаҳои ҳавоӣ тамом мешаванд. Агар ҳатто дари хона пушида шавад, фикр мекунанд, мушак аст. Кӯдакон рӯзҳоеро аз сар гузарониданд, ки онҳоро аз синни воқеии худ калонтар кард. Онҳо дигар кӯдак нестанд,”—нақл кард ӯ.
Ин модар мехоҳад, атфоли фаластинӣ ҳам мисли кӯдакони дигар дар дунё зиндагии ором дошта бошанд. Вале мегӯяд, умед надорад, ки дубора шодиву хушбахтӣ ба фазои Ғазза баргардад.

Дигар хабарҳо

Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Написать свой комментарий:

  • pg soft pg slot in | Гости

    pg soft pg slot in ประสบการณ์การเล่นเกมที่น่าตื่นเต้นและมีส่วนร่วมที่ผสมผสานเทคโนโลยีล้ำสมัย pg slot เข้ากับความตื่นเต้นของสล็อต เตรียมตัวให้พร้อมสำหรับการดำดิ่งสู่โลกคำถามที่พบบ่อยและอื่นๆ  

  • Ахборотҳоро ба суроғаи электронии мо - tamos@orien.info ирсол намоед.

    забонҳо

    Маъмурияти сомона:

    Тамоми маводи иттилоотии сомона дар асоси маълумоти манбаъҳои дар Тоҷикистон ва дигар нуқтаҳои ҷаҳон доштаи мо омода мегардад.