Дастаи «Равшан»-и Кӯлоб бозии дувумашро дар марҳилаи гурӯҳии Ҷоми AFC (Конфедератсияи футболи Осиё)-2023/24 дар Минтақаи марказӣ дар гурӯҳи «Е» дар меҳмонӣ бо бошгоҳи «Алтин Асир»-и Туркманистон бо ҳисоби баробари 1:1 анҷом дод.
Дастаи «Равшан»-и Кӯлоб бозии дувумашро дар марҳилаи гурӯҳии Ҷоми AFC (Конфедератсияи футболи Осиё)-2023/24 дар Минтақаи марказӣ дар гурӯҳи «Е» дар меҳмонӣ бо бошгоҳи «Алтин Асир»-и Туркманистон бо ҳисоби баробари 1:1 анҷом дод.Бозӣ шаби 5-уми октябр дар варзишгоҳи «Ашхобод» доир гардид.
Нимаи аввали дидор бо ҳисоби 1:0 ба нафъи меҳмонон хотима ёфт. Голро дар дақиқаи 17-ум легионери африқоии «Равшан» Эммануэл Мваненго ба самар расонд.
Дар нимаи дувуми бозӣ мизбонон пайваста ҳуҷум карда, лаҳзаҳои зиёди голзаниро ба вуҷуд оварданд, аммо муваффақ нашуданд. Дарвозабони «Равшан» Евгений Гритсенко бо маҳорати баланди худ ба бозигарони «Алтин Асир» имкон надод, ки тӯбро ба нишон расонанд.
Ҳамин тариқ, бозӣ бо ҳисоби 1:1 хотима ёфт ва ҳарду даста якхолӣ гирифтанд.
Натиҷаи бозӣ Тоҳирҷон Муъминов, сармураббии «Равшан»-ро қаноатманд намуд, зеро ки дастааш дар сафар соҳиби як имтиёз шуд. Аммо Язқулӣ Хоҷагелдиев, сармураббии “Алтин Асир”, аз натиҷаи бозӣ изҳори нигаронӣ кард, зеро ки дастааш дар майдони худ аз ду имтиёз бенасиб монд.
«Равшан» аввалин бозиашро дар марҳалаи гурӯҳии Ҷоми AFC (Конфедератсияи футболи Осиё)-2023/24 дар Минтақаи марказӣ дар гурӯҳи «Е» бо бошгоҳи «Марв»-и Туркманистон дар варзишгоҳи марказии ноҳияи Ҳисор бо ҳисоби мусовии 0:0 анҷом дода буд.
“Алтин Асир” дар даври аввал дар меҳмонӣ аз дастаи “Абдиш Ота”-и Қирғизистон бо ҳисоби 0:3 шикаст хӯрда буд.
Бозии дигари даври дувуми мусобиқот дар гурӯҳи «Е», ки 5-уми октябр миёни дастаҳои «Марв» (Туркманистон) ва «Абдиш-Ота» (Қирғизистон) доир гардид, бо ҳисоби 1:1 хотима ёфт.
Дар ҳамин ҳол дар ҷадвали гурӯҳи “Е” дастаи “Абдиш-Ота” бо чаҳор имтиёз мақоми аввалро соҳиб шудааст. “Равшан” ва “Марв” бо дуимтиёзӣ дар ҷойҳои дувуму севум мебошанд. “Алтин Асир” бо як имтиёз дар зинаи чаҳорум қарор дорад.
