Раёсати корҳои дохилии вилояти #Суғд бо нашри ин хабар мегӯяд, гумонбар даҳ ҳуҷараро дар маҳаллаи 32-юми шаҳри #Хуҷанд аз соҳибонаш ба иҷора гирифта, фаъолияти соҳибкорияшро дар самти меҳмонхонадорӣ ба роҳ мондааст. Вале кормандони #милитсия ошкор кардаанд, ки зери ниқоби меҳмонхона дар асл #фоҳишахона ташкил шудааст.

Аз ҷумла, дар 3 ҳуҷра ҷуфтҳоеро берун овардаанд, ки барои вақтгузаронӣ аз 100 то 150 сомонӣ пардохт кардаанд.

Аз рӯи ин ҳодиса нисбати боздоштшуда бо моддаи 239-и Кодекси ҷиноятии Тоҷикистон парванда оғоз гардидааст.

Ин банди Кодекс барои «ташкил ё нигаҳдошти фоҳишахона» ҳамчунин «даллагӣ» ҷарима ва ё маҳрум намудан аз озодиро пешбинӣ мекунад.