МАНИЖА БО МАТРЁШКАИ РУСӢ ВА ЧАКАНИ ТОҶИКӢ БА ФИНАЛ БАРОМАД(ВИДЕО)
![](/uploads/posts/2021-05/thumbs/1621480267_manizha-final1.jpg)
Шонси Манижа барои пирӯзӣ дар ин озмуни муътабар баланд шумурда мешавад, чунки клипи таронаи ӯ “Russian Womаn” бо наздики 11 миллион тамошобин то имрӯз пуртамошобинтарин тарона дар Ютуб-канали расмии «Евровидение» дониста мешавад.
Манижа Сангин иқрор кард, ки чунин маъракаи густардаи бадбиниро баъди интихобаш ҳамчун намояндаи Русия дар озмуни «Евровидение» интизор надошт. Ӯ гуфт, муносибати бадбинона ба пирӯзии ӯ ҳамчун як нафари зодаи Тоҷикистон нишон медиҳад, ки мушкили миллатгароӣ ва бегонабадбинӣ дар Русия дар сатҳи ҷиддӣ вуҷуд дорад.
Дар аввали моҳи апрел президенти Тоҷикистон Эмомалӣ Раҳмон дар як суханрониаш аз Манижа пуштибонӣ кард ва гуфт, “Манижаро бинед, ҳамаро саргардон кардааст. Бисёриҳо як духтари тоҷикро дида натавонистанд.” Эмомалӣ Раҳмон ҳамчунин аз Манижа ситоиш кард, ки ҳамеша ба тоҷик ва аз Тоҷикистон будани худ таъкид мекунад: “Аҳсан барои он ки аз тоҷикияти худ даст намекашад ва ҳамеша мегӯяд, ки ман тоҷик ҳастам, дар Тоҷикистон ба дунё омадаам.”
Манижа дар солҳои аввал бо тахаллуси Рукола ҳунарнамоӣ мекард. Баъди тарки тарҳи “Рукола” Манижа бо номи худаш суруд мехонад.