ҶАСАДИ ДУХТАРИ 16-СОЛАРО АЗ КӮҲИ ЗАРТЕҒ ЁФТАНД. ХУДКУШӢ Ё КУШТОР?
Рӯзи 12 апрел ҷасади як духтари 16-солаи сокини ҷамоати Ифтихори ноҳияи Абдураҳмони Ҷомиро аз баландии 1500 метр аз як кӯҳ дар наздикии деҳаи Зартеғи ҷамоати Ваҳдати шаҳри Левакант пайдо кардаанд. Сокинони маҳаллӣ ба раёсати ҳолатҳои фавқулоддаи вилояти Хатлон хабар додаанд ва гуруҳи зудамали ин идора ба ҷойи ҳодиса омада, ҷасадро аз он баландӣ тавассути як роҳи тӯлонии пиёдарав ки беш аз 5 километр будааст, пойин овардаанд.Сабаби марги духтари ноболиғ маълум нест. Наҷотбахшони КҲФ ҷасади ӯро ба намояндагони ШВКД шаҳри Левакант супурдаанд ва ҳоло ин қазияро мақомоти тафтишотӣ таҳқиқ мекунанд.
ҶАСАДИ ДУХТАРИ 16-СОЛА ДАР КӮҲ. ХУДКУШӢ Ё КУШТОР? МАҚОМОТ ТАҲҚИҚ МЕКУНАНД
Дирӯз, 12-уми апрели соли 2021 дар кӯҳҳои деҳаи Зартеғи ҷамоати деҳоти Ваҳдати шаҳри Леваканти вилояти Хатлон ҷасади ҷинсаш зан дида шуд ва сокинон фавран ба Раёсати Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон дар вилояти Хатлон хабар доданд.Баъди дарёфти хабар гурӯҳи зудамали Раёсати КҲФ дар Хатлон ба ҷойи ҳодиса ҳозир шуд. Маълум гардид, ки он ҷасади як духтари 16-сола, сокини ҷамоати деҳоти Ифтихори ноҳияи Абдурраҳмони Ҷомӣ будааст.
Имдодгарон ҷасадро аз баландии 1500 метр бо як роҳи дурударози пиёдарав, ки бештар аз 5 километр буд, поин оварданд ва ба намояндагони Шуъбаи корҳои дохилии ноҳияи Левакант супурданд.
Сабаби марги духтари 16-сола маълум нест. Дар бораи ин ҳодиса ва шахсияти марҳум низ маълумоти зиёд дастрас нашуд.
Мақомоти тафтишотӣ ҳодисаро таҳқиқ мекунанд.
