Бо корд захмӣ намудани ноболиғи 17-сола аз ҳиссиёти авбошӣ
Ба ШВКД дар шаҳри Ваҳдат бо ариза марди 49-солаи сокини ҷамоати деҳоти А.Абдулвосеъи шаҳри мазкур муроҷиат намудааст, ки 5-уми апрели соли 2021, тахминан соати 19:00, писари ноболиғи 17-солаашро “Лоиқ” ном шахс дар назди деҳаашон аз ҳиссиёти авбошӣ бе ягон асос лату кӯб намуда, бо корд 1-маротиба ба қисмати чапи поёни шикамаш задааст.Дар натиҷа, ҷабрдида ҷароҳати ҷисмонӣ ба саломатиаш бардоштааст.
Ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия ҷавони 19-солаи сокини ҷамоати деҳоти А.Абдулвосеъи ҳамин шаҳр ҳамчун гумонбар дар содир намудани ҷинояти авбошӣ дастгир карда шуд.
Аз рӯи ин ҳодиса тафтишот идома дорад.