Дастгир гардидани се нафар бо ҷурми дуздӣ
Ба ШВКД дар ноҳияи Файзобод бо ариза марди 46-солаи сокини ҷамоати деҳоти Бӯстони ноҳияи мазкур муроҷиат намудааст, ки 24-уми марти соли 2021, тахминан соати 22:30-дақиқа, шахсони номаълум бо роҳи пинҳонӣ аз зери ҷӯйбори обгузари назди оромгоҳи деҳаи Бӯстон 1-адад насоси обкаширо дуздида, аз ҷойи ҳодиса ғайб задаанд. Зарари расонидашуда 10 ҳазор сомониро ташкил медиҳад.Ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия ҷавони 20-сола ва ду ноболиғи 17-солаи сокинони ҷамоати деҳоти Бӯстони ҳамин ноҳия ҳамчун гумонбар дар содир намудани ҷинояти дуздӣ дастгир карда шуданд.
Аз рӯи ин ҳодиса тафтишот идома дорад.