Гумонбари дуздӣ дар ноҳияи Кӯшониён дастгир шуд
Дар асоси аризаҳои шаҳрвандон ба ШВКД дар ноҳияи Кӯшониён оиди аз ҷониби шахсони номаълум дуздида шудани чорвоҳои калон ва майдаи шохдор, дучархаҳо ва маҳсулоти сохтмонияшон, аз ҳисоби кормандони милитсияи ноҳияи мазкур гурӯҳи фаврӣ-ҷустуҷӯӣ таъсис дода шуда, дар муддати кутоҳ як нафар сокини шаҳри Бохтар, ки муддатест даст ба дуздии амволи мардум мезанад, дастгир карда шуд.
Ин нафари ҷиноятпеша Ҳайдаров Рӯзимурод, соли таваллудаш 1997 мебошад, ки баҳри тасарруф намудани молу мулки ғайр шабона, бо тариқи пинҳонӣ вориди маназилҳои истиқоматӣ ва оғилхонаҳои шаҳрвандон гашта, аз он ҷо чорвоҳои калону майдаи шохдор, дучарха ва масолеҳи сохтмониро дуздида, аз ҷои ҳодиса ғайб мезанад.
Номбурда дар 5 ҳолати дуздӣ даст дошта, маблағи зарари ба шаҳрвандон расонидааш 15 000 сомониро ташкил медиҳад.
Нисбати Ҳайдаров Р. дар шуъбачаи тафтишотии ШВКД дар ноҳияи Кӯшониён бо моддаи 244 Кодекси ҷиноятии Ҷумҳурии Тоҷикисон парвандаи ҷиноятӣ оғоз карда шуда, тафтишот идома дорад.
Офоқ Қодириён
