Мусодираи беш аз 2,4 тонна маводи нашъаовар дар Тоҷикистон дар соли 2020
Дар муқоиса бо соли 2019 ин миқдор 788 кило зиёдтар аст.
Акси марбута
Сурат: bagnet.org
Соли 2020 мақомоти ҳифзи ҳуқуқи кишвар ва Агентии назорати маводи нашъаовари назди президенти ҷумҳурӣ беш аз 2,4 тонна маводи нашъаоварро муосидира намуданд.
Гуфта мешавад, дар муқоиса бо соли 2019 ҳамагӣ 788 кило бештар маводи мухаддир мусодира шудааст.
“Давоми сол кормандони шуъбаи мубориза бо маводи мухаддир 144 ҷинояти марбут ба ин ҳодисаҳоро ошкор намуда, 183 кило маводи нашъаовар мусодира карданд, аз ҷумла 19 кг героин, 95 кг афюн, 40 кг ҳашиш, 15 кг бангдона ва 15 кг моддаҳои психотропию сахттаъсир, дар намуди хока ва ҳабҳои синтетикӣ (2195 адад)”, - қайд мешавад дар сомонаи Агентӣ.
Ғайр аз ин, кормандони ВКД зиёда аз 1,1 ҳазор тонна маводи нашъаовар ва кормандони КДАМ - беш аз 1,9 ҳазор кило маводи нашъаоварро нобуд сохтанд.
Соли 2020 дар Агении назорати маводи нашъаовар нисбат ба 162 нафар 105 парвандаҳои ҷиноятӣ боз шудааст.
Ҳамчунин зикр мегардад, ки дар ин давра кормандони Агентӣ 7 нафар шахсони мавриди ҷустуҷӯ қарордоштаро боздошт ва ба ҷавобгарӣ ҷалб намуданд.
