Ду устои таъмири нақлиёт сабукрави мизоҷро тасарруф карданд
Зимни аз ҷониби соҳибмулк пешниҳод кардани автомашина барои таъмир гумонбаршудаҳо Баротов ва Шарипов бо маслиҳати пешакӣ қисми техникии ба ҳаракатдарорандаи сабукравро, ки маъмулан онро «зажиганӣ» мегӯянд канда калидро нусхабардорӣ мекунанд. Боз ҳолати аввалаашро барқарор карда баъди таъмир ба дасти соҳибаш супорида дар пайи тасарруфи нақлиёт мешаванд ва ба мақсад ҳам мерасанд. Яъне суроғаи мизоҷро пайдо намуда аз саҳни манзили истиқоматиаш баландошёнаи №39-и маҳаллаи 19-уми шаҳри Хуҷанд барои дар оянда ба қисмҳо ҷудо карда фурӯхтан сабукравро тасарруф кардаанд.
Гумонбаршудаҳо бо мақсади интиқол додани автомашина аз рақамҳои транзитӣ истифода намудаанд.
Аз рӯи ҳодиса бо моддаи 244 Кодекси ҷиноятӣ парвандаи ҷиноятӣ оғоз карда шудааст.
Акбар Шарифӣ, майори милитсия.
