Ошкор гардидани кирдори қаллобӣ
Ба ШВКД-1 дар ноҳияи Фирдавсӣ бо ариза ҷавони 22-солаи сокини шаҳри Душанбе муроҷиат намудааст, ки дар давоми солҳои 2018-2019 дар кӯчаи Мушфиқӣ ҷавони 24-солаи сокини пойтахт бо роҳи фиреб ба бовариаш даромада, аз ӯ ба маблағи 5 ҳазору 600-доллари амрикои ҷавоҳиротҳои гуногуни тиллои ва нуқрагинро гирифта, то ҳол маблағашро барнагардонидааст.Инчунин ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия ҷавони 20-солаи сокини ҷамоати деҳоти Ҳасанови ноҳияи Шаҳринав, бо гумони содир намудани кирдори қаллобӣ дастгир карда шуд.
Номбурда, дар давоми моҳи июни соли 2020, бо роҳи фиреб ба боварии марди 34-солаи сокини ҷамоати деҳоти Қаратоғи шаҳри Турсунзода даромада, дар бозори фурӯши автомабилҳои шаҳри Турсунзода автомашинаи шахсиаш тамғаи “Дэу-Лабо”-ро ба маблағи 40 ҳазор сомонӣ нархгузорӣ карда гирифта, то ҳол маблағашро барнагардонидааст.
Аз руи ҳодисаҳои мазкур тафтишот идома дорад.