расонаи иттилии - Ориён » АХБОРИ ОҶИЛ » Ҳалокати дастикам 19 кӯдак дар ҳамла ба як мактаб дар Техаси Амрико

АХБОРИ ОҶИЛ / Асосӣ / Ҷаҳон

Ҳалокати дастикам 19 кӯдак дар ҳамла ба як мактаб дар Техаси Амрико


Шумораи қурбониёни тирандозӣ дар яке аз мактабҳои ибтидоӣ дар иёлати Техаси Амрико ба 21 нафар расид, ки 19 нафари онҳо мактабхонҳо ҳастанд. Грег Эббот, ҳокими иёлати Техас эълон кард, ки рӯзи сешанбе як ҷавони 18-сола дар як мактаби ибтидоӣ тирандозӣ кард ва чандин кӯдак ва муаллимро кушт ва шумореро низ захмӣ намуд.
Омори ибтидоие, ки Грег Эббот эълон кард буд, 14 кӯдак ва як муаллим буд, аммо шумораи қурбониёни ҳодиса афзоиш ёфт. Ҳокими иёлати Техас ҳамчунин гуфт, ки шахси ҳамлакунанда низ кушта шудааст.
Ба гуфтаи ҳокими иёлати Техас, шахси ҳамлакунанда эҳтимолан як туфанг вориди мактаби ибтидоӣ Robb Elementary School дар шаҳри Ювалде шуд ва тирандозӣ кард. Мақомоти Техас ҳанӯз ангезаҳои даст ба ин кор задани фарди ҳамлакунандаро эълон накардаанд ва танҳо маҳали зисти ӯро ошкор кардаанд.
Ҳокими Техас изофа кард, ки фарди ҳамлакунанда эҳтимолан аз тири нерӯҳои пулис кушта шуд ва таҳқиқ дар робита ба ин ҳодиса идома дорад. Мақомоти пулис дар шаҳри Ювалде низ эълон кардаанд, ки ин шахс ба танҳоӣ ин ҳамларо анҷом додааст.
Чаҳор сол пеш ҳам дар иёлати Техас бар асари ҳамла ба як мактаб 10 нафар ҷон бохта буд.
Ҳанӯз шумораи захмиёни ин ҳодиса маълум нест, аммо мақомоти пулиси Ювалде мегӯянд, ки чандин нафар низ маҷрӯҳ шудаанд.
Сухангӯи Кохи Сафед гуфт, ки Ҷо Байден, раиси ҷумҳури Амрико дар ҳини бозгашт аз сафари панҷрӯзаи осиёии худ аз ин ҳодиса огоҳ шудааст.
Ҷо Байден шоми сешанбе дар Кохи Сафед дар ин бора суханронӣ кард. Вай аз мардуми Амрико хост, ки алайҳи лоббии аслиҳа дар ин кишвар биистанд ва гуфт, ки лоббии қудратманди аслиҳа монеи қабули қонунҳои сахттаре дар робита ба доштани силоҳ шудааст.
Ба гуфтаи мақомоти Техас, мактабхонҳои қурбонии ин ҳодисаи тирандозӣ аз синфҳои дувум, севум ва чаҳорум будаанд. Як бемористон дар Ювалде эълон кардааст, ки понздаҳ мактабхон дар бахши кӯмакҳои таъҷилӣ бистарӣ шудаанд.
Ювалде ҳудуди 16 ҳазор аҳолӣ дорад. Ин шаҳрак дар 120 километрии марзи Мексика қарор дорад. Талабаҳои ин мактаб, ки ба он ҳамла сурат гирифт, асосан лотинитаборон ҳастанд.

Дигар хабарҳо

Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Написать свой комментарий:

Ахборотҳоро ба суроғаи электронии мо - tamos@orien.info ирсол намоед.

забонҳо

Маъмурияти сомона:

Тамоми маводи иттилоотии сомона дар асоси маълумоти манбаъҳои дар Тоҷикистон ва дигар нуқтаҳои ҷаҳон доштаи мо омода мегардад.