ЭРОН ВИЗАРО БАРОИ ШАҲРВАНДОНИ ТОҶИКИСТОН БЕКОР КАРД, ВАЛЕ БО 4 ШАРТ
ЭРОН ВИЗАРО БАРОИ ШАҲРВАНДОНИ ТОҶИКИСТОН БЕКОР КАРД, ВАЛЕ БО 4 ШАРТ
Ҳайати вазирони Эрон рӯзи 30-юми июни соли 2024 номаи тасвиби лағви раводид бо Тоҷикистонро имзо ва расонаӣ кард. Бар асоси ин номаи тасвиб, вазорати корҳои хориҷаи Эрон муваззаф шудааст, ки муқаррароти лағви раводид миёни ҳукумати Эрон ва ҳукумати Тоҷикистонро иҷро кунад.
Эрон низоми раводидро бо шартҳои зеринро лағв кардааст:
- тӯли будубош: 30 рӯз;
- тарзи сафар: танҳо сафари ҳавоӣ;
- масир: аз Душанбе ба Теҳрон ва баръакс;
- шарти амали мутақобила: дар сурати амали мутақобилаи ҳукумати Тоҷикистон;
Аз Вазорати корҳои хориҷаи Тоҷикистон ба “Азия-Плюс” лағви раводидро тасдиқ карданд ва гуфтанд, "масъалаҳои ҳуҷҷатгузориву муқаддамотӣ дар ВКХ Эрон баррасӣ мешавад ва пас аз он ВКХ расман огоҳ карда мешавад”.
Таъкид гардид, ки танҳо баъди ба анҷом расидани масъалаҳои ҳуҷҷатгузорӣ, рӯзи ба иҷро даромадани лағви низоми раводид муайян ва бо мактуби расмӣ ҷониби Тоҷикистон огоҳ карда мешавад.
