ҶАВОНИ ТОҶИК БАРОИ САРКАШӢ АЗ ХИДМАТИ ҲАРБӢ АЗ ШАҲРВАНДИИ РУСИЯ МАҲРУМ ШУД
ҶАВОНИ ТОҶИК БАРОИ САРКАШӢ АЗ ХИДМАТИ ҲАРБӢ АЗ ШАҲРВАНДИИ РУСИЯ МАҲРУМ ШУД
Додгоҳи ноҳияи Скопинои вилояти Рязани Русия рӯзи 3 апрели соли 2024 як ҷавони зодаи Тоҷикистон, соли таваллудаш 2001-ро, ки қаблан барои саркашӣ аз хидмати ҳарбӣ ҷарима шуда буд, ба ҳамин далел аз шаҳрвандии Русия ҳам маҳрум кардааст. Хадамоти матбуоти раёсати тафтишоти вилояти Рязан хабар дод, ки рӯзи 3 апрел, дар пайи судури ҳукми додгоҳ шиносномаи русии ҷавони тоҷикро аз дасташ гирифтаанд ва ба зудӣ ӯ аз қаламрави Русия ихроҷ карда мешавад. Исми ин ҷавони зодаи Тоҷикистон нашр нашудааст.
Назари худи ин ҷавон ё наздиконаш низ дастрас нест, вале раёсати тафтишот мегӯяд,
“дар ҷараёни тафтиш муайян карда шуд, ки маҳкумшуда бе ягон сабаби узрнок ба чорабиниҳои марбут ба даъват ба хидмати ҳарбӣ ҳозир нашудааст”.
Ҷавони тоҷикро ба он гунаҳкор кардаанд, ки ҳангоми дарёфти шаҳрвандӣ қасам хӯрда буд, ки қонунҳои Русияро риоя карда, аз ин кишвар ҳимоят хоҳад кард, вале ба қасамаш амал накардааст.