Тоҷикистон ва Корея ҳамкории байниминтақавиро баррасӣ намуданд
Сафири Ҷумҳурии Тоҷикистон дар Ҷумҳурии Корея бо раиси вилояти Кёнсанбукдо (Ҷумҳурии Корея) Ли Чеол-ву мулоқот намуд. Дар ин хусус АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.Зимни вохӯрӣ мавзуи имконияти ҳамкории байниминтақавии Тоҷикистон ва Корея мавриди баррасӣ қарор гирифт.
Бояд таъкид намоем, ки ҳамкории Тоҷикистон ва Ҷумҳурии Корея дар соҳаҳои тиҷорат, иқтисод, сармоягузорӣ, илмӣ-техникӣ, саноату энергетика, фарҳангу гардишгарӣ батадриҷ тақвият меёбад.
