ЛАТУКӮБИ 3 КОРМАНДИ МИЛИТСИЯ ДАР ШАҲРИ БӮСТОН (СОБИҚ ЧКАЛОВСК)
ЛАТУКӮБИ 3 КОРМАНДИ МИЛИТСИЯ ДАР ШАҲРИ БӮСТОН (СОБИҚ ЧКАЛОВСК)
Обидҷон Давлатшоев, як сокини шаҳри Бӯстон (собиқ Чкаловск) ба латукӯби кормандони милитсия айбдор мешавад. РВКД Суғд хабар дод, ки бегоҳи 22 сентябр, соати тахминан 20 Давлатшоев дар ҳолати мастӣ дар назди мағозаи “Чорроҳа” нисбат ба сардори бахши тартиботи ШВКД Бӯстон майор Далер Салимзода ва муфаттиш лейтенанти калон Беҳрӯз Раҳматов “беҳурматӣ зоҳир карда, бо суханҳои қабеҳ шаъну шарафи кормандони милитсияро паст зада”, баъди боздошт дар утоқи кориашон Салимзода ва Раҳматовро ва ҳангоми муоина дар маркази наркологӣ сержант А.А.Сулаймоновро латукӯб кардааст.