Беҳтарин блогерҳои Тоҷикистон маълум шуданд. Онҳо кистанд?
Беҳтарин блогерҳои Тоҷикистон маълум шуданд. Онҳо кистанд?
Дар шаҳри Душанбе 15 блогнависи беҳтарини кишварро аз рӯи фарзияи Анҷумани блогерони Тоҷикистон дар бахшҳои мухталиф муайян карданд.
Дар шаҳри Душанбе 15 блогнависи беҳтарини кишварро аз рӯи фарзияи Анҷумани блогерони Тоҷикистон дар бахшҳои мухталиф муайян карданд.
Дар рафти озмун, ки дар он 77 нафар ширкат доштанд, 15 номинатсия пешниҳод гардид. Пас аз даври аввали овоздиҳӣ тариқи паёмак, 45 нафар ба туфайли иштироки фаъол ба сегонаи беҳтарини ҳар як категория дохил шуданд.
Дар охир 15 нафар иштирокчӣ аз рӯи номинатсияҳои худ мукофотонида шуданд.
Номзадҳои озмуни блогерҳо аз бахшҳои мухталиф, аз ҷумла видеоҳои кӯтоҳи ҳаҷвӣ, зебоӣ ва ороиш, мӯд, пухтупаз, тарзи зиндагӣ ва саёҳат, ҳунари нақшофарӣ, варзиш, тиҷорат, маориф, технология ва хайрхоҳӣ буданд.
Ҳамин тавр, 15 блогнависи беҳтарини Тоҷикистон инҳоянд:
1. Вайнери сол (Азиза Мухторова)
2. Блогнависи бахши зебоӣ (Нилуфар Ҳалимова)
3. Блогнависи мӯди сол (Хуршед Сатторов)
4. Блогнависи бахши ғизо (Нигорахон Алимова)
5. Мушовир-блогери сол (Сайдакрам Шукуров)
6. Блогер дар бахши зиндагӣ (Азизбек Елов ва ҳамсараш Раҳима)
7. Актер-блогнависи сол (Фарух Сангинов)
8. Актриса-блогнависи сол (Дилноза Раҳимӣ)
9. Автоблогнависи сол (Музаффар Бобораҳматов)
10. Блогнависи соҳаи варзишии сол (Қамариддин Ҳасанов)
11. Шахси муваффақи сол (Фаррух Ҳасанов)
12. Блогнависи тоҷири сол (Саидмурод Давлатов)
13. Муаллим-блогнависи сол (Беҳрӯз Ҳафизов)
14. Блогнависи техникии сол (Зинхор Насриддинзода)
15. Хайрхоҳ-блогнависи сол (ТВ Солехин)
Ба директори Ассотсиатсияи блогнависони Тоҷикистон Бахтиёр Маҷидов медали «Пешвои ИДМ» супурда шуд.
Ба ғолибони ҷоиза дипломҳои хотиравӣ ва ҳайкалчаҳои рамзии дастовардҳо ва саҳми онҳо дар рушди соҳаҳои худ супурда шуданд.
Ин озмун соли дуюм аст, ки пайиҳам баргузор мешавад. Соли гузашта низ чунин озмун дар баҳор, моҳи май баргузор шуда буд. Он замон Эътилофи занони журналисти Тоҷикистон созмондиҳандаи он буданд ва ширкаткунандагон ҳамагӣ дар 10 бахш рақобат карданд.
