Ҳасбулло Муҳаммадов, блогери доғистонӣ, ки бо лақаби "Хасбик" маъруф аст, ба Душанбе омадааст. Дар ин бора худи ӯ бо нашри як акс дар зери шаршара дар саҳифаи Инстаграмаш хабар дод. Аммо ӯ ҳадафи ин сафарро мушаххас накардааст.

Блогнавис аллакай дар саҳифаи худ дар шабакаҳои иҷтимоӣ чанд навор ва акси атрофи Душанберо нашр кардааст. Бисёре аз корбарони тоҷик Хасбикро ба Тоҷикистон “Хуш омадед!” гуфта, изҳори умед кардаанд, ки ба зудӣ видеоҳои ӯро дар бораи Тоҷикистон тамошо хоҳанд кард. 

Ҳасбулло Муҳаммадов бо қади ҳамагӣ 93 сантиметр ва вазни ҳамагӣ 18 кило, чанд сол пеш дар пайи нашри видеои хӯрдани клубника  ё қулфинай машҳур шуд ва баъди эълони набардаш бо Абдурозиқ, як овозхони ҷавон аз Тоҷикистон, ки вазни ӯ ҳам ҳамагӣ 18 килову қадаш зери 1 метр аст, шуҳрати бештар ба даст овард.  

 Акс аз саҳифаи Ҳасбулло.