расонаи иттилии - Ориён » Асосӣ » Қадрдонии 3 зодаи Тоҷикистон барои корҳои хуб дар Маскав

Асосӣ / Ҷомеа / Муҳоҷир

Қадрдонии 3 зодаи Тоҷикистон барои корҳои хуб дар Маскав

Се намояндаи Тоҷикистон дар озмуни шаҳри Маскав, ки ба корҳои накӯи муҳоҷирон дар пойтахти Русия бахшида шудааст, соҳиби ҷоиза гардиданд

Барандаҳои озмуни "Сад саргузашти пойтахт", ки ба корҳои хайри муҳоҷирон дар Маскав бахшида шуд, эълон гардиданд ва дар миёнашон зодаҳои Тоҷикистон низ ҳастанд.
Ба гузориши хабарнигори Sputnik Тоҷикистон, ҷоиза "Барои саҳм дар ташкили кор бо ҷавонони миллатҳои мухталиф"-ро, Итёрбек Туймамадов, зодаи ВМКБ гирифт.
Ба намояндаи дигари Тоҷикистон, зодаи ВМКБ Масрур Музаффарбеков ҷоиза "Барои дили меҳрубон ва кумак ба ниёзмандон" супорида шуд.
Музаффарбеков 10 сол боз дар Маскав ба сар мебарад ва аз назди пиронсолони ниёзманд бе дароз кардани дасти кумак гузашта наметавонад. "Маҳз тарбия муайян мекунад, ки инсон чӣ гуна ба воя мерасад", - мегӯяд ҷоизадор.
Ҷоизадори сеюм аз Тоҷикистон роҳбари намояндагии созмони ҷамъиятии умумирусиягии "Бародарии ҷангӣ" дар ҷумҳурӣ, Саидаҳмад Давлатов шуд. Вай дар номинаи "Таҳкими ҳофизаи таърихӣ ва равобити байни миллатҳо" беҳтарин дониста шуд.
Таъкид шуд, ки бо мусоидати Давлатов гулгашт дар як оромгоҳи ҷанговарони байналмилалӣ, ки дар Афғонистон хизмат кардаанд, бозсозӣ карда шуд.
Қобили зикр аст, ки озмуни "Сад саргузашти пойтахт" бори нахуст бо дастгирии Раёсати сиёсати миллӣ ва равобити байниминтақавии шаҳри Маскав ва Бунёди "Технологияҳои байналмилалии ҳамгироӣ" баргузор мешавад.
Ҳадафи ин озмун муаррифии корҳои накӯи муҳоҷирони хориҷӣ, ки дар Русия иқомат доранду корнамоиҳои беғаразона анҷом медиҳанд.

Дигар хабарҳо

Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Написать свой комментарий:

Ахборотҳоро ба суроғаи электронии мо - tamos@orien.info ирсол намоед.

забонҳо

Маъмурияти сомона:

Тамоми маводи иттилоотии сомона дар асоси маълумоти манбаъҳои дар Тоҷикистон ва дигар нуқтаҳои ҷаҳон доштаи мо омода мегардад.