Тоҷикистон ба тағйироти бузург омода мешавад: дар ҷумҳурӣ чӣ хоҳад шуд
Самти муосир дар иқтисодиёт ҷумҳуриро ба зинаи нави тараққиёт мебарорад, ки кишвар аллакай натиҷаҳои бузург нишон дода истодааст
Тоҷикистон ҳадафи рушди минбаъдаи иқтисоди «сабз"-ро дорад. Дар ин бора ба хабарнигорон Завқӣ Завқизода, вазири рушди иқтисод ва савдо хабар дод.
Ба гуфти ӯ, кишвар дар ин соҳа муваффақиятҳои калон ба даст овардааст.
Ҳамин тариқ, Тоҷикистон дар истеҳсоли нерӯи барқи аз ҷиҳати экологӣ тоза дар ИДМ ҷои аввалро ишғол мекунад. Ҳукумати мамлакат сохтмон ва аз нав сохтани истгоҳҳои барқӣ обиро давом медихад.
Дар нақшаҳои мақомот истеҳсоли мошинҳо ва автобусҳои барқӣ пешбинӣ шудааст.
Иқтисоди «сабз» яке аз самтҳои муосир аст, ки таваҷҷӯҳ ба он босуръат меафзояд», — гуфт Завқизода.
Вай таъкид кард, ки Тоҷикистон ба таҳияи тарҳи сармоягузорӣ дар ин замина шурӯъ кардааст: коршиносон ва мутахассисони хориҷӣ дар ин замина кор мекунанд. Нақшаи ҷумҳуриро шарикони пешқадами тараққикарда низ дастгирӣ карданд.
Вазир таъкид кард, ки кишвар барои татбиқи иқтисоди «сабз» на танҳо дар соҳаи энергетика, балки дар соҳаи кишоварзӣ низ захираҳои ғанӣ дорад.
Дар кишвар ба ҷои нуриҳои кимиёвӣ аз нуриҳои органикӣ истифода бурдан, гармхонаҳои офтобӣ сохтан, обёрии қатра ва бо усулҳои биологӣ муҳофизати растаниҳо ҷорӣ карда мешаванд.
Ёдовар мешавем, ки самти иқтисоди «сабз» дар охири асри 20 ташаккул ёфта буд.
Принсипи асосии он кам кардани таъсири манфии иқтисодии фаъолияти инсон ба муҳити зист мебошад.
Сарчашма: Sputnik Tajikistan
