ҚАҲРАМОНҲОИ РӮЗ: ДУ ҶАВОНИ ТОҶИК ФИРДАВС ВА ДАЛЕР ДАР МАСКАВ КӮДАКОНРО АЗ СӮХТОР НАҶОТ ДОДАНД (ВИДЕО)
"Шинос шавед: Инҳо Далер ва Фирдавс ном доранд. Онҳо қаҳрамонанд. Субҳи имрӯз ин ду ҷавон кӯдаконро аз сӯхтор наҷот доданд» - чунин навиштааст шабакаи «Москва 24» дар бораи корнамоии ин ду ҷавони тоҷик.Фирдавс ва Далер ҳангоми бозгашт аз кор дар басти шабона диданд, ки манзиле дар кӯчаи Кубинка, 4 оташ гирифтааст. Онҳо аввал ба зане, ки бо бадани сӯхта дар саҳни ҳавлӣ хобида буд, кумак расонданд. Сипас нидои даъват ба ёриро аз дохили манзили оташгирифта шунида, бо зинапоя ба он хона даромаданд ва кӯдакони дар банди оташ бандмондаро наҷот доданд. Падари кӯдакҳо вақте ба ин ду ҷавон изҳори сипос мекард, ашки шодиашро пинҳон карда натавонист. «Кош чунин одамони нек бисёр бошанд», - гуфт ӯ.
Ҳангоми сӯхторхомушкунӣ, ки чанде пеш дар шаҳри Маскав рух дод, ду шаҳрванди ҷавони Тоҷикистон Фирдавс ва Далер дар наҷоти мардум иштирок карданд ва кӯдаки хурдсолро аз хонаи оташгирифта наҷот доданд
ДУШАНБЕ, 27 авг — Sputnik. Ду шаҳрванди ҷавони Тоҷикистон кӯдаконро аз сӯхторе, ки ахиран дар ғарби шаҳри Маскав рух дод, наҷот доданд, иттилоъ додааст шабакаи Telegram-и ”Москва-24”.
Маълум гардид ин ду ҷавони тоҷик бо номи Далер ва Фирдавс дар ҳамин бинои панҷ ошёна, ки дар кӯчаи Кубинкаи, 4 шаҳри Маскав аст ва дар он ахиран сӯхтор рух додааст, зиндагӣ мекарданд.
"Мо аз кор омадем ва мехостем истироҳат кунем. Ногаҳон ба гуши мосадои таркиш расид. Фирдавс гуфт биё равем бинем чӣ гап аст, шояд кӯмак лозим бошад”, - гуфт Далер.
