Сар аз 10 май идораи роҳи оҳани Хайратон-Мазори Шариф комилан ба ҷониби Афғонистон мегузарад.

Дар ин бора Sputnik Афғонистон бо истинод ба директори Роҳи оҳани Афғонистон Бахт ал-Раҳмон Шарофат хабар дод.

Айни замон ин хатти роҳи оҳанро ҶСК "Ӯзбекистон темир йуллари" идора мекунад.

Тибқи созишномаи нав, ки бо дархости мақомоти Афғонистон имзо шудааст, аз аввали моҳи май тамоми масъулияти нигоҳдории роҳи оҳан, аз ҷумла нигоҳдорӣ, идоракунӣ ва ҷамъоварии даромад ба ихтиёри Роҳи оҳани Афғонистон вогузор шудааст.

Дар ҳоли ҳозир Афғонистон барои нигоҳдории роҳи оҳани Тирмиз тавассути гузаргоҳи марзии Хайратон то Мазори Шариф ҳамасола ба Ӯзбекистон 18 миллион доллар пардохт мекунад.

Азбаски ҳаққи хидмати роҳи оҳан ҳиссаи асосии даромадро ташкил медиҳад, толибон ин вазъиятро ба манфиати миллӣ намешуморанд.

Ба гуфтаи мақомоти афғонистонӣ, иқтидори амалиётии роҳи оҳани Афғонистон дар ин замина хеле афзоиш ёфтааст. Илова бар ин, тоҷирони афғонистонӣ умедворанд, ки ин иқдом арзиши ҳамлу нақли борро коҳиш медиҳад.

Фаъолияти роҳи Хайратон-Мазори Шариф дар ҳоли ҳозир ба ширкати "Суғдиёна-транс"-и ширкати "Ӯзбекистон темир йӯлларӣ" машғул аст.

 Он моҳи декабри соли 2011 ба манзури фаъолият ва нигоҳдории хати роҳи оҳани Хайратон-Мазори Шариф дар Афғонистон таъсис шудааст.

Моҳи ноябри соли 2010 Роҳи оҳани Ӯзбекистон сохтмони хатти 75-километриро бо харҷи 129 миллион доллар анҷом дод. Ширкат ёдовар шуд, ки тайи даҳ соли фаъолияти ширкати "Суғдиана Транс" ҳудуди 28 миллион тонна бор аз ин роҳ ба Афғонистон ва ба тариқи транзит ба кишварҳои дигар интиқол дода шудааст.

Сарчашма:Sputnik