АХБОРИ ОҶИЛ / Асосӣ / Ҷаҳон
Ҳазорҳо мутахассиси IT мумкин аст Русияро тарк кунанд
Дар моҳҳои наздик Русияро мумкин аст, аз 70 то 100 ҳазор мутахассиси IT тарк кунад. Аз 50 то 70 ҳазор чунин мутахассис то ин замон Русияро тарк кардааст, хабар дод нашрияи Baza бо такя ба раиси Эътилофи иртибототи электронии Русия Сергей Плуготаренко.
Плуготаренко гуфт, теъдоди мутахассисони IT, ки Русияро тарк мекунанд, метавонист, бештар шавад, агар билети ҳавопаймо гарон намешуд ва мушкили интиқоли маблағ ба миён намеомад.
Пештар мухолифони ҳукумати Русия ва фаъолони шаҳрвандӣ, ки дар хориҷ аз он кишвар ҳастанд, Кумитаи зиддиҷангии Русияро таъсис доданд. Яке аз ҳадафҳои ин кумита кӯмак ба русиягиҳое аст, ки ба далели ҷанг дар Украина, Русияро тарк мекунанд.