АХБОРИ ОҶИЛ / Асосӣ / Ҷомеа
РАФОАТИ ҶАМШЕД: БА МАРДИ БЕПУЛ МАН ХИЁНАТ МЕКУНАМ!
Рафоати Ҷамшед,раққоса, сароянда, ҳунарпеша ва блогердухтари машҳури тоҷик дар барномаи “Аз дил ба дил” бо рӯзноманигор Меҳрафрӯз Неъмонзода сӯҳбати ошкоро анҷом дод.
Чӣ гунае ки Рафоат дар ин барнома қайд кард, ӯ то ҳол се шавҳар кардааст ва фарзанд надорад. Аз овони хурдӣ бо падараш сарояндагӣ мекард ва ин ҳунар барои ӯ меросист.
Ӯ гуфт баъзе мардҳо аз ман мепурсанд, ки ту барои пуламон бо мо гап мезадӣ? Ман ҳам ҷавоб медиҳам, ки бале, ман ба хотири пулат бо ту гап мезадам.
Дар идома Рафоат қайд кард, ки пул дар ҳаёташ нақши муҳим дорад ва агар ҳамсафари ҳаётиаш бепул монад, ба ӯ хиёнат мекунад ва сабаби ҷудо шудан аз шавҳарҳои қаблӣ низ, ҳамин аст.
Рафоати Ҷамшед моҳе қабл дар инстаграми шахсии худ хабар дода буд, ки филми тарбиявиеро ба навор мегирад, аммо то ҳол дар ин бора маълумоте дода нашудааст. Номбурдаро услуби ошкоро сӯҳбат намуданаш аз дигар намояндагони шоу бизнес ҷудо мекунад.
