Криштиану Роналду беҳтарин варзишгари Аврупо дониста шуд

Ҳамлагари португалии клуби футболи «Реал»-и Мадрид Криштиану Роналду

дар қитъаи Аврупо варзишгари беҳтарини сол эълон гардид. Дар ин бора натиҷаи пурсишҳои 27 Агентии иттилоотии кишварҳои Аврупо ба назар гирифта шудааст,- хабар медиҳад «El Mundo Deportivo » 27 декабри соли 2016. Ба қатори сегонаи варзишгарони беҳтарини Аврупо ҳамчунин теннисбоз Энди Марей (рақами 1 АТР, Англия) ва шиновари венгриягӣ Катинка Хоссу, соҳиби се медали тиллои Бозиҳои тобистонаи олимпӣ дар Риоде-Жанейро- 2016 шомил шуданд. Пурсишро Агентии иттилоотии «Polska Agencja Prasowa» гузаронидааст. Криштиану Роналду 12 декабри соли равон маротибаи чорум соҳиби унвони беҳтарин футболбози ҷаҳон гардида, ҷоизаи «Тӯби тилло»-ро ба худ ихтисос дод. Ӯ дар соли 2016 унвони чемпиони Аврупоро дар ҳайати дастаи мунтахаби Португалия ба даст оварда, бо «Реал» соҳиби Ҷоми Лигаи чемпионҳо ва Ҷоми ҷаҳон байни клубҳо гардид. 

назари худро нависед
Қаҳрамонҳои Тоҷикистон