Идомаи ҳалокати кӯдакон дар роҳҳои Тоҷикистон
Рӯзҳои истироҳати гузашта бар асари садамаи нақлиёт 3 нафар ноболиғон ҷон бохтанд.
Сурат: veklnr.su
Ҳафтаи сипаришуда бар асари ҳодисаҳои садамаи нақлиёт дар роҳҳои мошингарди Тоҷикистон 4 тан, аз ҷумла 3 нафар ноболиғон ҳалок шуданд.
Бино ба маълумоти маркази матбуоти ВКД Тоҷикистон, рӯзи шанбе дар Конибодом ронандаи 27-солаи автомашинаи “Хундай Соната” писарчаи 2-соларо бо мошинаш пахш мекунад, ки дар натиҷа кӯдак ҳалок шудааст.
Дар ноҳияи Бобоҷон Ғафуров ронандаи “ВАЗ 2107” сокини 17-солаи маҳаллиро пахш кардааст, ки аз ҷароҳатҳои бардошта ӯ дар бемористон ҷон бохтааст.
Дар Ваҳдат ронандаи автомашинаи “Ниссан Навара” аз уҳдаи идораи воситаи нақлиёт набаромада, писарчаи 6-сола зери чархи мошинаш мемонад ва дар ҷойи ҳодиса ба ҳалокат мерасад.
Дар роҳи автомобилгарди Душанбюе - Кӯлоб, дар қаламрави ноҳияи Данғара ронандаи автомашинаи “Мерседес” пиёдагардони синни 28 ва 13-соларо пахш кардааст, ки дар натиҷа яке аз онҳо дар ҷойи ҳодиса ҳалок ва наврас бо ҷароҳатҳо дар бемористон бистарӣ шудааст.
Тибқи маълумоти ВКД Тоҷикистон, дар зарфи 6 моҳи соли равон бар асари садамаҳои нақлиёт дар роҳҳо кишвар 151 нафар ҳалок ва 516 кас ҷароҳат бардоштаанд.