«Шоҳин Асмоӣ» -аввалин рақиби «Ҳосилот»-и Фархор дар бозиҳои плей-оффи Ҷоми КФО

ДУШАНБЕ, 08.12.2016. Клуби футболи «Шоҳин Асмоӣ» -и Афғонистон аввалин рақиби дастаи «Ҳосилот»-и Фархор дар мусобиқа барои Ҷоми Конфедератсияи футболи Осиё-2017 дар бозиҳои плей-офф гардид. Дар ин бора сомонаи ФФТ хабар медиҳад.
«КФО тартиби гузаронидани мусобиқаи имсоларо барои Ҷоми ин ниҳод муайян карда, ба федератсияҳо маълумоти муфассал ирсол кардааст»-хабар медиҳад манбаъ.
Ба ҳамин тартиб, барандаи медалҳои нуқраи чемпионати мамлакат- «Ҳосилот»-и Фархор дар дидори нахустини худ дар сафар бо чемпиони Афғонистон- дастаи «Шоҳин Асмоӣ» рӯзи 31 март вориди майдон мешавад, аммо гуфта нашудааст, ки бозӣ дар кадом варзишгоҳ ва дар куҷо баргузор мешавад.
Вохӯрии ҷавобии ин дастаҳо дар Варзишгоҳи марказии ҷумҳуриявӣ дар шаҳри Душанбе 7 феврал гузаронида хоҳад шуд.
«Ғолиби ин дидор дар раунди навбатӣ бо ғолиби ҷуфти дастаҳои «Дородой»-и Қирғизистон ва «Балкан»-и Туркманистон 21 ва 28 феврал қувва месанҷад. Дастаи муваффақ шомил ба бозиҳои гурӯҳи марказӣ мешавад»,-афзуд манбаъ.
назари худро нависед
Қаҳрамонҳои Тоҷикистон