Маҳрез-беҳтарин футболбози қитъаи Африка

ДУШАНБЕ, 09.01.2017. Рияд Маҳрез аз рӯи пурсиши Конфедератсияи футболи Африка (КФА) беҳтарин футболбози ин қитъа дар мавсими соли 2016 эълон шуд. Дар ин бора «euronews.com» хабар медиҳад.
Ҳамлагари дастаи «Лестер Сити» аввалин футболбози кишвари Алҷазоир мебошад, ки аз замони таъсиси ин унвон (соли 1992) ба гирифтанаш мушарраф шудааст. Маҳрез дар мубориза бо футболбози фаронсавӣ-габонӣ, ҳамлагари дастаи «Боруссия»-и Дортмунд Пер-Эмерике Обамеянг 50 имиёзи бештар гирифт.
Мақоми сеюм насиби бозингари дастаи «Ливерпул» Садо Мане аз Сенегал дониста шуд. Дар маросими ҷоизасупорӣ дар пойтахти Нигерия- Абуҷа дастаи мунтахаби Уганда, ки бори аввал дар таърихаш ба бозиҳои ниҳоии Чемпионати Африка роҳхат гирифтааст, ба ҳайси беҳтарин дастаи мунтахаби ин қитъа интихоб шуд.
назари худро нависед
Қаҳрамонҳои Тоҷикистон