БОЗДОШТИ ЯК “ВАЛЮТЧИК” ДАР КОНИБОДОМ БАРОИ ТАСАРРУФИ ҚАРИБ ЯК МИЛЛИОН РУБЛ

Марди 29-солаи сокини шаҳри Конибодом моҳи октябри соли 2023, бо роҳи фиреб ба боварии марди 41-солаи сокини шаҳри мазкур даромада, бо баҳонаи қурби асъори рубли русиашро бо қурби нисбатан баланд баргардонида додан аз ӯ 450 ҳазор рубли русиро гирифта, ваъда додааст, ки онро 70 ҳазор сомонӣ карда бармегардонад, аммо гумонбаршаванда маблағи пулии ба даст овардаашро ба манфиати худаш сарф намудааст.

Инчунин, гумонбаршаванда бо ҳамин роҳ моҳи октябри соли 2023, аз марди 36-солаи сокини ҳамин шаҳр бо баҳонаи қурби асъори рубли русиашро бо қурби нисбатан баланд баргардонида додан аз ӯ 500 ҳазор рубли русиро гирифта, ваъда додааст, ки онро 67 ҳазор сомонӣ карда бармегардонад, аммо номбурда, маблағи пулии ба даст овардаашро ба манфиати худаш сарф намудааст.