Боздошти марди 30-сола бо гумони дуздии чорвои майдаи шохдор
Ба ШВКД дар ноҳияи Темурмалик бо ариза марди 28-солаи сокини ҷамоати деҳоти Бобоюнуси ноҳияи мазкур муроҷиат намудааст, ки аввалҳои моҳи ноябри соли 2019, тахминан соатҳои 16 ба 17:00 шахсони номаълум бо роҳи пинҳонӣ аз заминҳои чарогоҳи ҷамоати деҳоти Л.Қармишев 13-сар чорвои майдаи шохдорро дуздида, аз ҷойи ҳодиса ғайб задаанд. Зарари расонидашуда 6 ҳазору 500-сомониро ташкил медиҳад.
Ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия марди 30-солаи сокини ҷамоати деҳоти Бобоюнуси ҳамин ноҳия, ҳамчун гумонбар дар содир намудани ҷинояти дуздӣ дастгир карда шуд.
Аз рӯи ин ҳодиса тафтишот идома дорад.