ДАР ДУШАНБЕ БА АҲМАДШОҲИ МАСЪУД ҲАЙКАЛ ГУЗОРЕД


Дар шабакаи Фейсбук маъракаи ҷамъоварии имзоҳо зери пешниҳоди дар Душанбе ба номи Аҳмадшоҳи Масъуд гузоштани як хиёбон ва гузоштани ҳайкали ин сипаҳсолори шинохтаи тоҷикҳои Афғонистон оғоз ёфтааст.

Ташаббускори ин маърака хабарнигори тоҷик Абдуқодири Абдуқаҳҳор пешниҳод кардааст, ки фаразан кӯчаи Чапаевро ба номи Аҳмадшоҳи Масъуд гузошта, нимпайкараи Феликс Дзержинскийро бо ҳайкали ин сипаҳсолоро иваз кунанд.

П Е Т И Т С И Я
(пешниҳоди дастаҷамъона)

Мо пешорӯи ҷашни бузурги ҳамдилию ҳамбастагӣ 20 - умин солгарди Ваҳдати Миллӣ қарор дорем. Ҳамагон хуб ёд дорем ва самимона миннатдорем, ки дар истиқрори сулҳи Тоҷикон нақши дӯст ва бародари азизи Пешвои миллатамон Ҷаноби Олӣ Эмомалӣ Раҳмон шахсияти маъруфи дунё, сипаҳсолори мумтоз, Аҳмадшоҳи Масъуд басо бузург аст. Пешниҳод дорам аз шаҳрдори Душанбе - Рустами Эмомалӣ дархост шавад, ба хотири арҷгузорӣ ба муборизи роҳи озодӣ, намоди шуҷоату ҷавонмардӣ, улгӯи фарзонамардӣ, Тоҷики асилзода, қаҳрамони миллии Афғонистон - Аҳмадшоҳи Масъуд хиёбоне номгузорӣ гардад ва ҳамчун рамзи шуҷоату шарафмандию ватандӯстӣ ва ҷавонмардӣ муҷассамааш гузошта шавад. Фаразан кӯчаи Чапаев, муҷассамааш дар ҷойи нимпайкараи чекист - Дзержинский. Аз ҳамдилону ҳамфикрон хоҳишмандам, бо ишораи "лайк” пешниҳодро дастгирӣ намоед. Дар сурати 5 000 ҷонибдор ёфтан мо расман ба шаҳрдор муроҷиат мекунем.


назари худро нависед
Қаҳрамонҳои Тоҷикистон