Пӯшидани фаранҷӣ ҷарима дорад

 

Дар Австрия ҳар касе дар ҷойҳои ҷамъиятӣ фаранҷӣ мепӯшад, ҷарима карда мешавад.

Ин қарорро парламенти ин кишвар қабул кард. Барои пӯшонидани чеҳра бо ин либоси мусалмонӣ ҷарима ба миқдори 150 евро муқаррар карда шудааст. Гуфта мешавад, ки ин тасмим барои ба истилоҳ “маромномаи мутобиқшавӣ” рӯидаст гирифта шудааст. Дар ин маромнома гуфта мешавад, ки ройгон паҳн кардани нусхаи китоби муқаддаси мусалмонон “Қуръон” мамнӯъ аст.

Ин тасмим муҳоҷирон ва гурезагонро водор мекунад, ки дар машғулиятҳои мутобиқшавӣ ширкат кунанд ва ба омӯзиши забон машғул шуда, аз муқаддасоти ҷамъияти Австрия огоҳ гарданд. Касоне, ки аз ширкат дар машғулиятҳо саркашӣ мекунанд, ёриҳои иҷтимоӣ дар ҳаққашон ихтисор карда мешаванд.

назари худро нависед
Қаҳрамонҳои Тоҷикистон