Бахше аз филиали донишгоҳи технологӣ дар Кӯлоб сӯхтааст. АКС
Шаби сеюми июн бинои Донишкадаи технологӣ ва менеҷменти инноватсионӣ дар шаҳри Кӯлоб, ки филиали Донишгоҳи технологӣ аст, оташ гирифтааст.
Бино бар иттилое, ки саҳфаи фейсбукии нашрияи "Пайк" нашр кардааст, оташсӯзӣ дар бино тақрибан, соати 3:50 дақиқаи субҳ сар зада, маҷлисгоҳи донишкада ба тамом сӯхта, ҳамчунин оташ ба бинои таълимӣ часпидааст.
Як манбаъ аз донишкада ба "Азия-Плюс" гуфт, сӯхтор дар ҳоли ҳозир комилан хомӯш шуда, кормандони оташнишонӣ оқибатҳои онро бартараф мекунанд.
Дар мавриди далелҳои сар задани сӯхтор ва хисороти барҷойгузошта он то кунун маълумоти дақиқе дар даст нест.
Сарчашма: asiaplustj.info